(روزنامہ قدس ۔آن لائن خبر رساں ادارہ) تین فلسطینیوں نوجوانوں پر قابض صیہونی فوج نے بلااشتعال فائرنگ کردی جس کے نتیجےمیں ایک نوجوان شہید جبکہ تین زخمی ہوگئے۔
عینی شاہدین کا کہنا ہے کہ مقبوضہ بیت المقدس کے مشرقی قصبے طولکرم میں فوجی چیک پوسٹ کے قریب صیہونی فوج کی جا نب سے فلسطینی راہگیروں کو تلاشی کےنام پر لوٹ مار کئے جانے کے خلاف فلسطینی نوجوانوں نےپتھراؤ کیاجس پر مشتعل ہوکر قابض صیہونی فوجیوں نے فلسطینی نوجوانوں پر اندھا دھند فائرنگ کری ، فائرنگ کےنیتجےمیں 17 سالہ نوجوان سمیر احمد حمیدی موقع پر شہید ہوگیا جبکہ دو فلسطینی نوجوان شدید زخمی ہوگئے ہیں ۔
دوسری جانب صیہونی ریاست کے متعصب میڈیا نے دعویٰ کیا ہے کہ تینوں نوجوانوں نے اسرائیلی فوجیوں پر پیٹرول بموں سے حملہ کیا تھا جس کو ناکام بنانے کیلئے اسرائیلی فوجیوں نے فائرنگ کی ۔
واضح رہے کہ شہید ہونے والا فلسطینی صیہونی ریاست کی غیر قانونی حراست کی پالیسی کے تحت دو سال قید کاٹنے کے بعد حالیہ ہی رہا ہوا تھا ۔