تہران (روز نامہ قدس ۔آن لائن خبر رساں ادارہ) ایرانی فضائیہ کے سربراہ عزیز نصیر زادہ نے کہا ہے کہ قابض اسرائیلی ریاست کا عسکری میدان میں مقابلہ کرنے اور اسرائیل کو صفحہ ہستی سے مٹانے کی پوری صلاحیت رکھتے ہیں۔
روز نامہ قدس کو موصول ہونے والی اطلاعات کے مطابق ایرانی ذرائع ابلاغ سے بات کرتے ہوئے انہوں نے کہا کہ اسرائیل ایران کے خلاف جارحیت مسلط کرنے کی جرات نہیں کرسکتا۔اسرائیلی حکام ہرطرح کی ہرطرح کی دھمکیوں اور جارحیت کا منہ توڑ جواب دینے کی صلاحیت رکھتے ہیں۔
جنرل عزیز نصر نے کہا کہ ایران اسرائیل کے خلاف ہرمیدان میں جنگ کے لیے تیار ہے۔ ہم اسرائیل کے وجود کو ختم کرنے کی صلاحیت رکھتے ہیں۔
خیال رہے کہ ایرانی فضائیہ کے سربراہ کی طرف سے یہ بیان ایک ایسے وقت میں سامنے آیا ہے جب حال ہی میں شام میں ایک خود کش حملے میں چار امریکی فوجی ہلاک اور چھ زخمی ہوگئے تھے۔