(روزنامہ قدس ۔آن لائن خبر رساں ادارہ) مقبوضہ جموں و کشمیر میں بھارتی فوج نے ریاستی دہشت گردی جاری رکھتے ہوئےسرچ آپریشن کی آڑ میں مزید 3بے گناہ کشمیری نوجوانوں کو فائرنگ کرکے شہید کردیا۔
اطلاعات کے مطابق مقبوضہ جموں و کشمیر کےضلع شوپیاں میں قابض بھارتی فوج نےنام نہاد سرچ آپریشن کے دوران ریاستی دہشت گردی پھیلاتے ہوئے کشمیری نوجوانوں اور معمر افراد میں تفریق کیے بغیر تشدد کے بعد فائرنگ سے مزید 3 کشمیری نوجوانوں کو شہید کردیا جبکہ علاقے میں اب بھی سرچ آپریشن کے نام پر بھارتی فوج کی دہشت گردی جاری ہے۔
واضح رہے کہ گزشتہ روز بھی مقبوضہ کشمیر کے ضلع کلگام میں سرچ آپریشن کے دوران قابض بھارتی فوج نے 3 کشمیری نوجوانوں کو شہید کردیا تھا جس کے بعد رواں ہفتے بھارتی فوج کے ہاتھوں شہید ہونے والے کشمیریوں کی تعداد 10 ہوگئی ہے۔