(روزنامہ قدس ـ آنلائن خبر رساں ادارہ) حزب اللہ کے سربراہ شیخ نعیم قاسم نے کہا کہ حزب اللہ صہیونی ریاست اور امریکی سامراج کے سامنے کبھی شکست نہیں کھائے گی اور شہداء کے خون سے سیراب یہ وطن آزاد، باعزت اور مستقل رہے گا۔
حزب اللہ لبنان کے سربراہ شیخ نعیم قاسم نے ایک دستخطی پیغام میں بیروت میں برگزار ہونے والے عظیم اور وسیع اجتماع کی تعریف کرتے ہوئے کہا ہے کہ وہ اجتماع "پاکیزگی، ایمان اور مزاحمت” کا شاندار منظرنامہ تھا جس نے حامیوں کو خوشی دی اور مخالفین کو غصّہ دلایا۔ یہ اجتماع بیروت کے اسپورٹس کمپلیکس میں سید حسن نصراللہ کی پہلی برسی کے ایام میں منعقد ہوا۔
انہوں نے جوانوں کو مخاطب کرتے ہوئے کہا کہ ہم تمہارے ہوتے ہوئے صہیونی بربریت اور امریکی سامراج کے سامنے کبھی شکست تسلیم نہیں کریں گے۔
انہوں نے مزید کہا کہ لبنان کی زمین شہداء کے خون سے سیراب ہوئی ہے، اس لیے لبنان آزاد، باعزّت اور خودمختار رہنے کا عہد جاری رکھے گا۔ حزب اللہ کی قیادت کی جانب سے جاری اس پیغام میں یہ بھی کہا گیا کہ فلسطین اور قدس ان کا دائمی راستہ اور رہنمائی کا مرکز ہیں اور وہ خطے و انسانیت کے بھلے کے لیے اسی سمت میں کام جاری رکھیں گے۔
انہوں نے آخر میں کہا کہ ہر چیلنج کا مقابلہ کیا جائے گا چاہے بڑی سے بڑی قربانی ہی کیوں نہ درکار ہو اور اللہ کے حکم سے حزب اللہ کا پرچم بلند و بالا رہے گا۔
