مرکز اطلاعات فلسطین کے مطابق انسانی حقوق کی تنظیم کی جانب سے سوئس حکومت کو ایک مکتوب ارسال کیا گیا ہے جس میں اس سے صہیونی ریاست سے ڈرون طیاروں کی خریداری کی ڈیل روکنے کا مطالبہ کیا گیا ہے۔
انسانی حقوق کی تنظیم کی جانب سے جاری ایک بیان میں کہا گیا ہے کہ سوئس حکومت کی طرف سے اسرائیل سے بغیر پائلٹ کے ڈرون طیاروں کی خریداری کا فیصلہ حتمی دکھائی دیتا ہے۔ اس کے لیے بجٹ بھی مختص کر دیا گیا ہے تاہم رقم کی کابینہ سے منظوری لینا ابھی باقی ہے۔
بیان میں کہا گیا ہے کہ سوئس حکومت اسرائیلی ساختہ Hermes 900 نامی ڈرون طیارے خریدنے کا فیصلہ کرچکی ہے۔ سوئس حکومت کا خیال ہے کہ اسرائیل سے حاصل ہونے والے ڈرون طیارے فوج کی فضائیہ کے لیے ریڑھ کی ہڈی ثابت ہوں گے۔
’’شاہد‘‘ نے سوئس پارلیمنٹ اور حکومت دونوں سے مطالبہ کیا ہے کہ وہ اسرائیل سے ڈرون طیاروں کی خریداری کا فیصلہ واپس لیں۔ بیان میں کہا گیا ہے کہ اسرائیل فلسطینیوں کے خلاف کھلے جنگی جرائم کا مرتکب ہو رہا ہے۔ ایک ایسے ملک سے فوجی اور دفاعی سازو سامان کی خریداری فلسطینیوں پر مظالم میں مدد فراہم کرنے مترادف ہوگی۔
بیان میں مزید کہا گیا ہے کہ سوئس حکومت کی جانب سے اسرائیل سے بغیر پائلٹ جاسوس طیاروں کی خریداری عالمی قوانین اور خود سوئٹرزلینڈ کے جمہوریت اور انسانی حقوق کی حمایت پر مبنی موقف کے برعکس ہے۔
بشکریہ:مرکزاطلاعات فلسطین