(روزنامہ قدس ۔آن لائن خبر رساں ادارہ) اسرائیل کے خلاف اور فلسطین کی حمایت کے الزام میں گزشتہ اپریل میں سعودی عرب میں گرفتار ہونے والے 60 فلسطینی شہریوں میں انجینئر بشارانیس دوسرے قیدی ہیں جو سعودی جیل سے رہا ہوئے ہیں۔
ذرائع کا کہنا ہے کہ فلسطینی انجینئر بشار انیس کو رہا کر دیا جو ان 60 فلسطینیوں میں شامل تھے جنہیں گزشتہ اپریل میں گرفتار گیا تھا، سعودی سکیورٹی حکام نے انجینئر انیس کو ان کے خاندان سمیت اردن بھیجنے کے لیے جیل سے سیدھا ریاض ائیر پورٹ منتقل کیا ۔
واضح رہے کہ سعودی سکیورٹی حکام نے ان اسرائیل کے خلاف اور فلسطین کی حمایت کے الزامات کے تحت گرفتار کیا تھا ، انجینئر انیس کے علاوہ دیگر درجنوں فلسطینی ابھی بھی جیلوں میں ہیں جہاں ان پر کوئی مقدمہ چل رہا ہے اور نہ کوئی فرد جرم عائد کی گئی ہے۔سعودی حکام نے 20 اپریل کو فلسطینی اسیر عبداللہ عودہ کو جیل سے رہا کیا تھا۔