(روزنامہ قدس ۔آن لائن خبر رساں ادارہ) روسی وزارت خارجہ نے امریکی وزیرخارجہ کے غیرقانونی صیہونی بستیوں کے دورے کی شدید الفاظ میں مذمت کرتے ہوئے کہا ہے کہ اس طرح کے دورے اقوام متحدہ اور سلامتی کونسل کی قراردوں کی کھلی خلاف ورزی ہے۔
روسی وزارت خارجہ کی ترجمان ماریا زاخا روفا نے ماسکو میں ایک پریس کانفرنس کے دوران امریکی وزیر خارجہ مائیک پومپیو کے مقبوضہ وادی گولان کے دورے کے بارے میں پوچھے گئے ایک سوال کے جواب میں کہا کہ امریکی وزیر خارجہ کا مقبوضہ وادی گولان کا دورہ صیہونی ریاست کو مقبوضہ عرب علاقوں میں غیر قانونی صیہونی آباد کاری اور توسیع پسندانہ عزائم کو سند جواز فراہم کرنے کی کوشش ہے۔
‘ہم امریکی وزیرخارجہ کے اس دورے کو مشرق وسطیٰ کے سب سے بڑے حل طلب مسئلے کے حوالے سے امریکا کے طرز عمل کو جاھلانہ قرار دینے کا ثبوت قرار دیتے ہیں۔
انہوں نے کہا مزید کہا ، "امریکی انتظامیہ کی غیر قانونی اسرائیلی آباد کاریوں کو قانونی حیثیت دینے کی کوششیں اقوام متحدہ کے چارٹر اوراقوام متحدہ کی سلامتی کونسل کی قراردادوں کے منافی ہیں۔” ، "روس گولان کی پہاڑیوں کو اسرائیل کے زیر قبضہ علاقہ سمجھتا ہے ، اور وہ اسرائیلی بستیوں کو غیر قانونی طور پر تعمیر کرنے کی مذمت کرتا ہے ۔