مرکز اطلاعات فلسطین کے مطابق "پیرتلسمان” نامی ایک تھینک ٹینک کی جانب سے جاری رپورٹ میں کہا گیا ہے کہ پچاس سال گذر جانے کے باوجود جرمن شہریوں کا یہودیوں کے بارے میں نظریہ تبدیل نہیں ہوا ہے۔ اگرچہ پچھلے پانچ عشروں سے اسرائیل اور جرمنی کے درمیان سفارتی تعلقات بھی قائم ہیں مگر اس کے باوجود 48 فی صد باشندے اسرائیل کو تنقیدی نگاہ سے دیکھتے اور اس کی ظالمانہ پالیسیوں کی کھل کر مخالفت کرتے ہیں۔
رپورٹ کے مطابق اسرائیل سے نفرت کرنے والے باشندوں میں نوجوانوں کی تعداد سب سے زیادہ ہے۔ ایک تازہ عوامی سروے کے نتائج کے مطابق 18 سے 29 سال کے 54 فی صد شہری اسرائیل کو منفی نظر سے دیکھتے ہیں۔
رپورٹ کے مطابق اسرائیل کے یہودیوں کی اکثریت جرمنی کے ساتھ تعلقات مضبوط کرنا چاہتی ہے۔ رپورٹ میں بتایا گیا ہے کہ 82 فی صد اسرائیلی جرمنی سے اسلحہ حاصل کرنا چاہتے ہیں جبکہ اس کے مقابلے میں 62 فی صد جرمن شہری اسرائیل سے دفاعی تعلقات کے قیام کے خلاف ہیں۔
بشکریہ:مرکزاطلاعات فلسطین