برلن (روز نامہ قدس ۔آن لائن خبر رساں ادارہ) جرمنی میں انسانی حقوق کی تنظیموں اور فلسطینی کمیونٹی کے زیر اہتمام اسرائیلی جیلوں میں قید فلسطینیوں کے ساتھ اظہار یکجہتی کے لیے مظاہرہ کیا گیا۔
روز نامہ قدس کو موصول ہونے والی اطلاعات کے مطابق برلن میں ’’ھیرمن پلاٹز‘‘ اسکوائر میں ہونے والے مظاہرے میں سیکڑوں شہریوں نے شرکت کی۔
مظاہرین نے ہاتھوں میں پلے کارڈ اور بینر اُٹھا رکھے تھے جن پر اسرائیلی جیلوں میں قید فلسطینیوں کے ساتھ اظہار یکجہتی کے لیے نعرے درج تھے۔ مظاہرین نے ’’الکرامہ 2‘‘ کےعنوان سے بھوک ہڑتال کرنے والے اسیران کے ساتھ خاص طور پر یکجہتی کا اظہار کیا۔
اس موقع پر مظاہرین نے فلسطینی اسیران کی حمایت اور ان کی اسرائیلی زندانوں سے رہائی کے لیے نعرے لگائے۔
مظاہرین نے جرمن حکومت پر زور دیا کہ وہ فلسطینی اسیران کے حقوق کے حوالے سے جاندار اور مؤثر کوششیں کرے اور اسرائیل کی طرف داری بند کرے۔