(روزنامہ قدس ۔آن لائن خبر رساں ادارہ) مظاہرین نے ہاتھوں میں بینرز اور پلے کارڈز اٹھا رکھے تھے جن پر نبی پاکﷺکی شان میں گستاخی کرنے والوں کو عبرت ناک سزا دینے کے مطالبات اور فرانس کے خلاف نعرے درج تھے۔
لبنان کے دارالحکومت بیروت کے شمال میں واقع البداوی فلسطینی پناہ گزین کیمپ کے رہائشیوں نے فرانس میں پیغمبر اسلام حضرت محمد صلی اللہ علیہ وسلم کی شان میں گستاخانہ خاکوں کی اشاعت کے خلاف بڑے پیمانے پر مظاہرے کیے گئے اور جلوس نکالے جس میں ہزاروں کی تعداد میں فلسطینی پناہ گزینوں کے علاوہ مقامی لبنانی شہریوںنے شرکت کی۔
مظاہرین نے ہاتھوں میں بینرز اور پلے کارڈز اٹھا رکھے تھے جن پر نبی پاک ﷺکی شان میں گستاخی کرنے والوں کو عبرت ناک سزا دینے کے مطالبات اور فرانس کے خلاف نعرے درج تھے۔
پناہ گزین کیمپ کی فضا توہین آمیز خاکوں کے خلاف نعروں اور لبیک رسول اللہ اور لبیک حبیب اللہ کے نعروں سے گونج رہی تھی۔اس موقعے پر خطاب میں مقررین نے فرانسیسی حکومت کو توہین آمیز خاکوں کی اشاعت کی ذمہ دار قراردیتے ہوئے فرانس کا معاشی، سیاسی اور سفارتی بائیکاٹ کا مطالبہ کیا۔