(روزنامہ قدس ـ آنلائن خبر رساں ادارہ) برازیل اور صہیونی حکومت کے درمیان جاری تناؤ بڑھ گیا ہے اور دونوں ممالک کے درمیان سفارتی تعلقات کم ترین سطح پر پہنچ گئے ہیں۔
اطلاعات کے مطابق برازیل نے غاصب اسرائیل کے نئے سفیر کی تقرری کی مخالفت اور تل ابیب میں اپنے نئے سفیر کی تقرری کی درخواست واپس لے لی ہے۔
دونوں ممالک کے درمیان نئی سفارتی کشیدگی پیدا ہوگئی ہے اور برازیل میں سفاک اسرائیل کے سفیر کی تقرری کی مخالفت تعلقات میں بڑھتی ہوئی تلخی کا واضح اشارہ ہے۔
یہ واقعہ اس وقت سامنے آیا جب برازیل کی وزارت خارجہ نے قابض اسرائیل ک حالیہ صہیونی آبادکاری کی پالیسی پر شدید ردعمل ظاہر کیا اور اسے فلسطینی عوام کے لیے خطرہ قرار دیا۔
وزارت خارجہ کے بیان میں کہا گیا کہ ہم غاصب اسرائیل کی ظالمانہ صہیونی آبادکاری کی پالیسی کی شدید مذمت کرتے ہیں اور اسے ایک جیوپالیٹیکل اقدام سمجھتے ہیں جو فلسطین کے وجود کے لیے خطرہ ہے۔
