اسرائیل کی اسپیشل فورسز نے مقبوضہ بیت المقدس کے قصبے الطور میں المقاصد ہسپتال پر دھاوا بول دیا۔
ہسپتال میں کام کرنے والے ایک اہلکار نے بتایا کہ اسرائیلی فوجیوں نے بھیس بدل کر ہسپتال کے شعبہ حادثات اور انتظامیہ کے دفاتر میں زبردستی گھس کر القدس انتفاضہ میں زخمی ہونے والے فلسطینیوں کا ریکارڈ حوالے کرنے کا مطالبہ کیا۔ہسپتال پر چڑھائی کرنے والے فوجیوں کا دعویٰ تھا کہ وہ ایک عدالتی حکم کے تحت چند دن قبل زیر علاج رہنے والے فلسطینیوں کی فائل حاصل کرنے کے مجاز ہیں۔
یہ پہلا موقع نہیں کہ مقبوضہ بیت المقدس کے ہسپتالوں پر صہیونی فوج سے تصادم کے دوران زخمی ہونے والے فلسطینیوں کی تلاش کے بہانے اسرائیلی فوج نے ہلہ بولا ہو۔