انتفاضہ قدس کی حمایت میں فلسطینیوں کا مظاہرہ

غرب اردن کے شہر الخلیل میں ہزاروں فلسطینیوں نے مظاہرہ کرکے صیہونی حکومت کے وحشیانہ اورجارحانہ اقدامات کی مذمت کرتے ہوئے انتفاضہ قدس کی حمایت کا اعلان کیا – فلسطینی مظاہرین کا کہنا تھا کہ صیہونی قبضے سے فلسطینی سرزمین کی آزادی تک تحریک انتفاضہ قدس جاری رہے گی –

فلسطینی مظاہرین نے مطالبہ کیا کہ ان متعدد فلسطینی شہدا کے جنازے جنھیں صیہونی فوجیوں نے انتفاضہ قدس کے دوران گولی مارکرشہید کردیا ہےفلسطینیوں کے حوالے کئےجائیں -صیہونی فوجیوں اور صیہونی انتہا پسندوں کے ہاتھوں مسجد الاقصی کی بے حرمتی اور قبلہ اول پر مسلسل حملوں کے خلاف پچھلے ایک مہینے سے شروع ہونےوالی تحریک انتفاضہ قدس کے دوران اب تک پچہتر فلسطینی شہری صیہونی فوجیوں کے ہاتھوں شہید ہوچکےہیں – اس دوران صیہونی فوجیوں کے ہاتھوں دوہزار سے زائد فلسطینی زخمی بھی ہوئے ہیں –