(روزنامہ قدس ۔آن لائن خبر رساں ادارہ) حازم قاسم کا کہنا ہے کہ حماس کے خلاف کہ امریکی انتظامیہ کا طرز عمل ان کی عالمی "دھونس اور دہشت گردی” کی عکاسی کرتی ہے۔
مقبوضہ فلسطین میں صیہونی ریاستی مظالم کے خلاف برسرپیکار اسلامی مزاحمتی تحریک حماس کے ترجمان حازم قاسم نےامریکی محکمہ خارجہ کی جانب سے حماس کے سیاسی شعبے کے سربراہ اسماعیل ھنیہ کی ترکی میں ترک سینئر عہدیداران سے ملاقات پر تنقید کی مذمت کرتے ہوئے کہا ہے امریکی انتظامیہ کا یہ طرز عمل عالمی "دھونس اور دہشت گردی” کی عکاسی کرتی ہے۔
انھوں نے کہا کہ "حماس ایک قومی تحریک ہے جو اسرائیلی ظلم و جبر صیہونی قبضے اور ریاستی دہشتگردی کے خلاف آزادی کی جدوجہد میں ہے۔
انھوں نے مزید کہا کہ صیہونی حکام کی جانب سے فلسطینی عوام کے خلاف ہونے والے مجرمانہ اقدامات اور مظالم پر انھیں عالمی دہشتگرد قراد دینا چاہئے نا کہ آزادی کی جدوجہد میں مصروف حماس کا اس سے موازنہ کرنا چاہئے ۔