بیروت (روز نامہ قدس ۔آن لائن خبر رساں ادارہ) فلسطینی پناہ گزینوں کے لیے اقوام متحدہ کی قائم کردہ ’’ریلیف اینڈ ورکس ایجنسی‘‘ (اونروا) کی طرف بتایا گیا ہے کہ گذشتہ برس امریکا کی طرف سے سیاسی انتقامی کی بنیاد پرامداد کی بندش کے بعد 40 ممالک نے فلسطینی پناہ گزینوں کی امداد میں اضافہ کیا۔
روز نامہ قدس کو موصول ہونے والی اطلاعات کے مطابق ’’اونروا‘‘ کے ہائی کمشنر پیر کراھینپول نے ایک بیان میں کہا کہ امریکا کی طرف سے فلسطینی پناہ گزینوں کی امداد میں بندش کے سیاسی انتقامی فیصلے کے بعد امداد کا حصول سب سے بڑا چیلنج تھا۔
بیروت میں ایک پریس کانفرنس سے خطاب میں ’’اونروا‘‘ کے سربراہ کا کہنا تھا کہ امریکی امداد کی بندش کے بعد ہم رونے نہیں بیٹھ گئے بلکہ عالمی برادری کو متحرک کیا اور ’’عزت سےبڑھ کر کسی چیز کی کوئی قیمت نہیں‘‘ کے عنوان سے مہم چلائی گئی۔
انہوں نے بتایا کہ امریکی امداد بند ہونے کے بعد 40 ممالک نے امداد میں اضافہ کیا۔ان کا کہنا تھا کہ لبنان 5 لاکھ 92 ہزار 711 فلسطینی پناہ گزینوں کی میزبانی کررہا ہے۔