(روزنامہ قدس ۔آن لائن خبر رساں ادارہ) امریکی وزیردفاع کا کہنا ہے کہ امریکی اسرائیلی دفاعی تعلقات کا ایک اہم حصہ ہے کہ اسرائیل کو مشرق وسطیٰ میں حاصل عسکری برتری قائم رہنا چاہیے۔
امریکی وزیر دفاع مارک اَیسپر نے امریکا کے دورے پر آئے اسرائیلی وزیر دفاع اور سابق اسرائیلی آرمی چیف بَینی گَینٹس کے ساتھ پینٹاگون میں ایک ملاقات کی ، اس موقع پر ان امریکی وزیر دفاع مارک اَیسپر نے یقین دہانی کرائی ہے کہ واشنگٹن مشرق وسطیٰ میں اسرائیل کی عسکری برتری قائم رکھنے میں اس کی مدد کرے گا۔
اَیسپر نے کہا کہ یہ بات امریکی اسرائیلی دفاعی تعلقات کا ایک اہم حصہ ہے کہ اسرائیل کو مشرق وسطیٰ میں حاصل عسکری برتری قائم رہنا چاہیے۔اسرائیل خطے کا وہ واحد ملک ہے جس کو امریکا نے ایف پینتیس جنگی طیارے مہیا کر رکھے ہیں۔اسرائیل یہ نہیں چاہتا کہ امریکا اب متحدہ عرب امارات کو بھی ایسے جنگی طیارے فراہم کرے۔