(روزنامہ قدس ۔آن لائن خبر رساں ادارہ) امارات کے وفد نے گلوکار ولید الجاسم کے ہمراہ صیہونی فوج اور پولیس کے حفاظتی حصار میں مسجد الاقصیٰ سے متصل البراق اسکوائر کا دورہ کیا۔
صیہونی ذرائع ابلاغ کے مطابق آج بروز ہفتہ متحدہ عرب امارات کے ایک تجارتی اور ثقافتی وفد نے قابض صیہونی ریاست کے سیکیورٹی اہلکاروں کے حفاظتی حصارمیں مسجداقصیٰ سے متصل البراق اسکوائر کا دورہ کیا ، اماراتی وفد کا استقبال صیہونی ثقافتی اور سیاسی شخصیات نے کیا جس کے بعد وفد کو مقبوضہ فلسطین کے تاریخی ورثے کا دورہ کرایا گیا تاہم اماراتی وفد نے مسجد اقصیٰ کا دورہ نہیں کیا ۔