اسرائیلی صدر شمعون پیریز نے کہا ہے کہ اقوام متحدہ کے سیکرٹری جنرل بان کی مون کی جانب سے جنگ بندی کی کسی بھی تجویز کا خیر مقدم کریں گے۔
غزہ میں فلسطینی مزاحمت کاروں کے حملے میں مارے جانے والے یہودی فوجی گیلاد یعقوب کے اہل خانہ سے ملاقات کے بعد میڈیا سے گفتگو کرتے ہوئے اسرائیلی صدر کا کہنا تھا کہ اگر اقوام متحدہ کے سیکرٹری جنرل بان کی مون کی جانب سے جنگ بندی کی کوئی بھی تجویز سامنے آئی تو اس کا خیر مقدم کریں گے۔
خیال رہے کہ بان کی مون گذشتہ روز ایک روزہ دورے پر قاہرہ پہنچے تھے جہاں انہوں نے فلسطینی مزاحمت کاروں اور اسرائیل کے درمیان جنگ کے معاملے پر مصری حکام سے تبادلہ خیال کیا ہے۔ امریکی وزیرخارجہ جان کیری بھی گذشتہ روز مصر پہنچے ہیں۔ انہوں نے مصری صدر فیلڈ مارشل عبدالفتاح السیسی سے بھی ملاقات کی۔