فلسطین کے مقبوضہ مغربی کنارے کے شمالی شہر نابلس میں حوارہ کے مقام پر ایک اسکول بس کی ٹکر سے موٹرسائیکل سوار اسرائیلی فوجی ہلاک ہوگیا۔ واقعے کے فوری بعد اسرائیلی فوجیوں نے علاقے کو گھیرے میں لے لیا تھا تاہم اس واقعے میں کسی شخص کی گرفتاری عمل میں نہیں لائی جاسکی۔
مقامی فلسطینی ذرائع نے بتایا کہ اتوار کے روز نابلس کے جنوبی قصبے حوارہ میں التمیمی پٹرول اسٹیشن کے قریب اسکول بس کی ٹکر سے ایک موٹرسائیکل سوار صہیونی فوجی ہلاک ہو گیا۔
عینی شاہدین نے بتایا کہ حادثے کے فوری بعد اسرائیلی فوج نے پورے علاقے کو گھیرے میں لے لیا تھا۔ ہلاک ہونے والے وجی کی عمر 20 بتائی جاتی ہے۔ یہ معلوم نہیں ہوسکا کہ آیا اسرائیلی فوجی کی ہلاکت میں فلسطینی مزاحمت کاروں کا کوئی عمل دخل ہے یا نہیں۔