اسکردو میں القدس ریلی

 بلتستان بھر میں امامیہ اسٹوڈنٹس آرگنائزیشن پاکستان بلتستان ڈویژن اور مجلس وحدت المسلمین پاکستان بلتستان ڈویژن کے زیر اہتمام عالمی یوم القدس منایا گیا

جبکہ اسکردو میں انجمن امامیہ اسکردو، آئی ایس او بلتستان ڈویژن، مجلس وحدت مسلمین بلتستان ڈویژن اور جے ایس او بلتستان ڈویژن کے اشتراک سے القدس ریلی نکالی گئی۔ اس سلسلے میں آئی ایس او بلتستان ڈویژن اور مجلس وحدت مسلمین پاکستان بلتستان ڈویژن کے زیر اہتمام خپلو، شگر، کھرمنگ، گول، تھورگو، شگر، روندو، گمبہ اسکردو کچورا اور روندو میں یوم القدس کے حوالے سے ریلیاں نکالی گئیں۔

اسکردو میں منعقدہ احتجاجی ریلی سے علامہ زاہد حسین زاہدی، علامہ سید مظاہر حسین موسوی، علامہ فدا حسین عابدی، علامہ باقر حسین الحسینی کے علاوہ صدر آئی ایس او بلتستان نے خطاب کیا۔ مقررین نے اپنے خطاب میں کہا کہ امریکہ اور اسرائیل کی جنایت کاریاں حد سے گزر چکی ہیں، یہ اس بات کی دلیل ہے کہ دونوں فرعونوں کا زوال قریب ہے۔ انہوں نے کہا کہ اسرائیل ایران پر کیا حملہ کرے گا وہ تو مٹھی بھر حزب اللہ کا مقابلہ نہیں کر سکتا۔