مرکز اطلاعات فلسطین کے مطابق امریکا میں اسرائیلی مصنوعات کے بائیکاٹ میں سرگرم انسانی حقوق کے گروپوں کے اتحاد کی جانب سے گذشتہ روز نیویارک میں ایک نیوز کانفرنس کا اہتمام کیا گیا جس میں یہ اعلان کیا گیا ہے کہ نئی اسمارٹ فون ایپلی کیشن کو ’’قاطع‘‘ کا نام دیا گیا ہے۔ کوئی صارف اسمارٹ فون استعمال کرتے ہوئے جب آن لائن خریداری کرے گا تو متعلقہ کمپنی کی تلاش کے لیے اسے ’’بار کوڈ‘‘ ڈائل کرنا ہوگا۔ اس کوڈ کے ڈائل کرنے کے بعد اس کے سامنے اسرائیل کی وہ فرمیں نمایاں انداز میں سامنے آئیں گی جو فلسطین کے مقبوضہ شہروں میں اپنی مصنوعات تیار کرکے دنیا بھر میں فروخت کرتی ہیں۔
صارفین کی سہولت کے لیے سمارٹ فون میں ممنوعہ فرموں کو تین کیٹیگریز ’’اے، بی اور سی‘‘ میں تقسیم کیا گیا ہے۔ گروپ اے میں اسرائیل کی وہ کمپنیاں جو فلسطینی علاقوں میں اپنی مصنوعات تیار کرتی ہیں کی فہرست شامل ہوگی۔ گروپ بھی میں ان غیر ملکی فرموں کا نام شامل کیا گیا ہے جو فلسطینی علاقوں میں یہودی کمپنیوں کے ساتھ شراکت کے تحت کام کرتی ہیں اور گروپ سی میں ایسی عالمی تجارتی فرموں کے نام شامل ہیں جو خود کو مقبوضہ فلسطینی علاقوں میں مصنوعات تیار نہیں کرتیں مگر وہ اسرائیلی کمپنیوں کے ساتھ لین دین کرتی ہیں۔
تنظیم آزادی فلسطین کے بیرون ملک مقیم شہریوں کے ذمہ دار ادارے کی طرف سے جاری ایک بیان میں امریکا میں اسمارٹ فون کے ذریعے اسرائیلی مصنوعات کے بائیکاٹ کی حمایت کی ہے اور کہا ہے کہ یہ ایپلی کیشن ’’آئی فون’’ اور انڈرویڈ کے تمام اسمارٹ سیٹوں پر دستیاب ہوگی۔ کوئی بھی صارف نہ صرف صہیونی مصنوعات کا بائیکاٹ کرسکے گا بلکہ وہ متعلقہ کمپنی کو ای میل کے ذریعے اپنے بائیکاٹ کی اطلاع بھی دے سکے گا۔
بشکریہ:مرکزاطلاعات فلسطین