انسانی حقوق کی عالمی تنظیم ایمنسٹی انٹرنیشنل نے فلسطینیوں پر اسرائیلی فوج کے وحشیانہ مظالم پر کڑی تنقید کی ہے اور کہا ہے کہ صہیونی ریاست کی مکروہ تاریخ فلسطینیوں کے ماورائے عدالت قتل عام سے عبارت ہے۔
رپورٹ کے مطابق ایمنسٹی کی جانب سے جاری کردہ ایک بیان میں گذشتہ روز اسپتال میں چھاپے کے دوران ایک فلسطینی نوجوان عبداللہ شلالدہ کو بے گناہ گولیاں مار کر شہیید کیے کی شدید مذمت کرتے ہوئے اسے عالمی قوانین کی صریح خلاف ورزی قرار دیا ہے۔بیان میں کہا گیا ہے کہ عبداللہ شلالدہ کا قتل اپنی نوعیت کا پہلا کیس نہیں ہے۔ اسرائیل کی سیاہ تاریخ نہتے فلسطینیوں کے بے رحمانہ قتل عام سے بھری پڑی ہے۔
خیال رہے کہ جمعرات کے روز اسرائیلی فوجیوں نے الخلیل شہر میں ایک اسپتال پربھیس بدل کر چھاپہ مارا اور وہاں پرزیرعلاج ایک زخمی نوجوان کے اغواء کی کوشش کے دوران اس کی تیمارداری کرنے والے عبداللہ شلالدہ ہو گولیاں مار کر شہید کردیا تھا۔ اسرائیلی فوج کے اس وحشیانہ اقدام کی انسانی حقوق کی عالمی تنظیموں کی جانب سے شدید مذمت کی گئی ہے۔
ایمنسٹی انٹرنیشنل کا کہنا ہے کہ اسرائیل نہتے فلسطینیوں کے قتل عام کی ایک سیاہ تاریخ رکھتا ہے۔ عبداللہ شلالدہ کی طرح آج تک لاتعداد فلسطینیوں کو قتل کیا جا چکا ہے۔ فلسطینیوں کا ماورائے عدالت قتل کوئی نئی بات نہیں ہے۔