اسرائیل کا حزب اللہ اور ایران کو جنگ سے دور رہنے کا مشورہ

اسرائیل کے ایک عبرانی ٹی وی نے دعویٰ کیا ہے کہ حال ہی میں صہیونی حکومت حزب اللہ اور ایران کی جانب سے ممکنہ جوابی کارروائی سے بچنے کی کوشش کرتے ہوئے ان دونوں کو تل ابیب کے خلاف کارراوئی نہ کرنے کا مشورہ دیا ہے۔

اسرائیل کے عبرانی ٹی وی 10 کی رپورٹ کے مطابق گذشتہ ہفتے شام میں اسرائیل کے ایک فضائی حملے میں حزب اللہ کے چھ اور ایران کے ایک فوجی عہدیدار کی شہادت کے بعد اسرائیل کو خدشہ ہے کہ اسے سخت انتقامی کارروائی کا سامنا کرنا پڑ سکتا ہے۔

ٹی وی رپورٹ میں کہا گیا ہے کہ اسرائیلی حکومت نے روس کے ذریعے ایران اور حزب اللہ کو یہ پیغام پہنچایا ہے کہ شام میں حزب اللہ کے قافلے کو دانستہ طورپر نشانہ نہیں بنایا گیا۔ نیز کارروائی سے قبل اسرائیل کو معلوم نہیں تھا کہ آیا وہاں پر ایرانی پاسداران انقلاب کا کوئی اہم عہدیدار بھی موجود ہے۔

بالواسطہ پیغام میں صہیونی ریاست کی جانب سے ایران اور حزب اللہ سے کہا گیا ہے کہ وہ اسرائیل کے خلاف کسی انتقامی کارروائی سے اجتناب کریں کیونکہ اسرائیل کشیدگی نہیں چاہتا ہے۔

بشکریہ:مرکزاطلاعات فلسطین