(فلسطین نیوز۔مرکز اطلاعات) اسرائیل کے عبرانی ذرائع ابلاغ دعویٰ کیا ہے کہ پولیس نے مقبوضہ مغربی کنارے کے شمالی شہر نابلس سے ایک فلسطینی سیل کو حراست میں لیا ہے جس پراسرائیلی وزیراعظم بنجمن نیتن یاھو کے قتل کی منصوبہ بندی کا الزام عائد کیا گیا ہے۔
عبرانی نیوز نے فوجی ذرائع کے حوالے سے بتایا ہے کہ حراست میں لیے گئے فلسطینی مزاحمت کاروں کے گروپ کی شناخت احمد عزام سیل کے نام سے کی گئی ہے۔ اس گروپ کا تعلق اسلامی تحریک مزاحمت ’’حماس‘‘ سے ہے جو مبینہ طورپر نیتن یاھو پرقاتلانہ حملوں کے لیے فدائی حملوں کی تیاری کرر رہا تھا۔رپورٹ کے مطابق حراست میں لیے گئے حماس کے سیل میں شامل چھ افراد کے خلاف فوجی عدالت میں فرد جرم پیش کردی گئی ہے۔ گروپ کے سربراہ 25 سالہ احمد عزا م کا تعلق نابلس میں یاسوف قصبے ہے اور وہ پچھلے کئی سال سے بیت المقدس کے ابو دیس قصبے میں رہائش پذیر تھا۔
رپورٹ کے مطابق خفیہ سیل اپنی کارروائیوں کے لیے انفراسٹرکچر کے آخری مراحل میں تھا اور اس کی تیاریاں تقریبا مکمل ہوچکی تھیں۔ اس گروپ کو مبینہ طورپر حماس کی جانب سے مالی معاونت فراہم کی گئی تھی اور اسے غزہ کی پٹی سے براہ راست ہدایات مل رہی تھیں۔ اس گروپ نے اپنی کارروائیوں کے لیے حازم صندقہ نامی فلسطینی کو بھی بھرتی کیا اور گاڑیوں کی مہارت کی بنا پر اسے میکینک کے نام سے یاد کیا جاتا تھا۔ اس کی عمر بائیس سال بتائی جاتی ہے جو یونیورسٹی کا ایک طالب بھی ہے۔
صندوقہ نے دوران تفتیش بتایا کہ وہ جامعہ ابو دیس میں عربی زبان وادب کا طالب علم ہے اور انہوں نے گذشتہ برس نومبر میں دھماکہ خیز مواد اور دیگر آلات بیت المقدس منتقل کرنےکے ساتھ فدائی کارروائیوں کی منصوبہ بندی کی تھی۔