اسرائیلی میڈیا کی رپورٹس کے مطابق اتوار کو علی الصباح ایک چھوٹا طیارہ اچانک جنوبی تل ابیب کے شہر "ریچون لتسیون” میں گر کر تباہ ہوگیا جس کے نتیجے میں طیارے میں سوار عملے کے دو ارکان ہلاک ہوگئے۔
عینی شاہدین بتایا کہ انہوں نے شہر میں ایک تباہ شدہ طیارے کا ملبہ دیکھا جس سے آگ کے شعلے بلند ہو رہے تھے۔ پولیس اور شہری دفاع کی ٹیموں نے فوری طور پر حادثے کے شکار طیارے کا ملبہ اور مرنے والے دو افراد کی لاشیں قبضے میں لے لیں۔
اسرائیلی پولیس اور شہری دفاع نے طیارے کے حادثے کی تحقیقات شروع کردی ہیں تاہم اس کی وجہ معلوم نہیں ہوسکی ہے۔ پولیس ذرائع کے مطابق طیارے کے حادثے کی وجہ فنی خرابی ہوسکتی ہے۔
خیال رہے کہ اسرائیل کی چھوٹے طیاروں کے حادثات کے واقعات پچھلے کچھ عرصے سے تواتر کے ساتھ پیش آ رہے ہیں۔ چند ماہ قبل بھی اسرائیل کا ایک چھوٹا جنگی طیارہ گر کر تباہ ہوگیا تھا۔ پچھلے کچھ عرصے کے دوران اسرائیلی طیارے غزہ، شام اور جزیرہ نما سینا کی حدود میں گر کر تباہ ہوتے رہے ہیں۔
بشکریہ:مرکزاطلاعات فلسطین