مقبوضہ بیت المقدس (روز نامہ قدس ۔آن لائن خبر رساں ادارہ) اسرائیل اور امریکا نے اقوام متحدہ کے ادارے یونیسکو کی رکنیت چھوڑ دی ہے، دونوں ملکوں نے یہ الزام عائد کیا کہ یونیسکو اسرائیل مخالف تعصب کو فروغ دے رہا ہے ۔
روز نامہ قدس کو موصول ہونے والی اطلاعات کے مطابق دونوں ممالک نے نئے سال کا آغاز ہوتے ہی اقوام متحدہ کے تعلیم، سائنس اور ثقافت سے متعلق ادارے کو باضابطہ طور پر چھوڑ دیا ہے ،یونیسکو چھوڑنے کا نوٹس ٹرمپ انتظامیہ نے اکتوبر 2017ء میں دیا تھا ۔ بعد میں اسرائیل کے وزیراعظم نیتن یاہو نے بھی ایسا ہی کیا ۔
یونیسکو نے مقبوضہ بیت المقدس میں قدیم مقامات کو فلسطینیوں کا ثقافتی ورثہ قرار دے کر 2011 ء میں فلسطین کو مکمل رکنیت دی تھی ، اس فیصلے کے بعد امریکا اور اسرائیل نے یونیسکو کو فنڈز کی فراہمی روک دی تھی ، امریکا نے یونیسکو میں بنیادی اصلاحات کا مطالبہ کیا ہے۔