مرکز اطلاعات فلسطین کے مطابق اردن کی پیپلز موومنٹ سمیت کئی دوسری این جی اوز نے "گیس معاہدہ۔۔۔ دشمن کی شہ رگ” کے نام سے سوشل میڈیا اور عوامی سطح پر جاری بائیکاٹ کی مہم کو بڑے پیمانے پر عوامی حلقوں میں پذیرائی ملی ہے۔ موومنٹ کے زیراہتمام عمان میں اس سلسلے میں ایک سیمینار بھی منعقد کیا گیا جس میں ایک یادداشت پیش کی گئی اور مطالبہ کیا گیا کہ عمان حکومت اسرائیل کے ساتھ مجوزہ گیس پائپ لائن کا معاہدہ فوری طورپر منسوخ کردے۔
اسرائیل کے ساتھ گیس پائپ لائن منصوبے کے بائیکاٹ کی مہم میں مزاحمت گروپ برائے اسرائیل، صہیونی نسل پرست مخالف گروپ، ریڈیکل میگزین، عرب نیشنل فورم، احفاد کنعان، قادمون اور اردن بریگیڈ لیگ خاص طور پر سر فہرست ہیں۔
سیمینار میں گیس معاہدے کے خلاف پیش کی گئی یاداشت میں ہزاروں افراد نے دستخط ثبت کیے ہیں اور حکوم سے مطالبہ کیا ہے کہ وہ صہیونی ریاست کے ساتھ جزوی یا کلی طور پر کسی بھی شکل میں گیس معاہدہ نہ کرے کیونکہ صہیونی دشمن کے ساتھ نوعیت کے تجارتی معاہدے خطے کی دیگر اقوام کے لیے تباہ کن ثابت ہوسکتے ہیں۔
تنظیموں نے یادداشت پر آن لائن پانچ ہزار لوگوں سے دستخط کا ہدف مقرر کیا ہے، جو قریبا اب پورا ہونے کو ہے۔ اس کے علاوہ عوام میں آگاہی مہم بھی جاری ہے جس میں اسرائیل سے گیس معاہدے کے نقصانات اور اس کے خطے کی دوسری اقوام بالخصوص فلسطینیوں پر پڑنے والی منفی اثرات کے بارے میں آواز اٹھائی جا رہی ہے۔
بشکریہ:مرکزاطلاعات فلسطین