برسلز (روز نامہ قدس ۔آن لائن خبر رساں ادارہ) یورپی یونین نے فلسطینی شہروں میں اسرائیل کی ہر طرح کی سرگرمیوں کو غیر آئینی اور غیرقانونی قرار دیا ہے۔
روز نامہ قدس کو موصول ہونے والی اطلاعات کے مطابق یورپی یونین کی جانب سے مقبوضہ مغربی کنارے میں 2191 نئے گھروں کی تعمیر کے اعلان کو غیر قانونی قرار دے کر مسترد کر دیا۔
انہوں نے کہا کہ فلسطین میں اسرائیل کی توسیع پسندانہ سرگرمیاں غیرآئینی اور غیرقانونی ہیں۔
بیان میں مزید کہا گیا ہے کہ فلسطین میں صیہونی کالونیوں کے حوالے سے یورپی یونین کے موقف میں کوئی تبدیلی نہیں آئی ہے۔ یورپ اب بھی فلسطینی علاقوں میں اسرائیلی سرگرمیوں کو غیرآئینی قرار دیتا ہے۔