(فلسطین نیوز۔مرکز اطلاعات) اسرائیلی وزیرتعلیم کی جانب سے مبینہ طورپر من پسند افراد کی اعلیٰ عہدوں پر تعیناتیوں اور ناپسندیدہ شخصیات کو عہدوں سے ہٹائے جانے کے خلاف محکمہ تعلیم کے چھ سینیر عہدیدار مستعفی ہوگئے ہیں۔
رپورٹ کے مطابق محکمہ تعلیم کےعہدیداروں کے استعفے حال ہی وزیرتعلیم نفتالی بینت کی جانب سے اعلیٰ تعلیمی کونسل کی وائس چیئر پرسن پروفیسر حجیت مریرون کوان کے عہدے سے ہٹا کر ان کی جگہ اپنی ایک مقرب خاص فدمنی شارمن کو تعینات کیے جانے کے خلاف پیش کیے گئے ہیں۔رپورٹ کے مطابق مستعفی ہونے والے عہدیداروں نے اپنے استعفوں میں لکھا ہے کہ وہ وزیرتعلیم کی اقربا پروری کے خلاف ہیں۔ ان کے اقدامات سے محکمہ تعلیم کی آزادی اور پیشہ وارنہ پالیسی متاثر ہوتی ہے۔
اسرائیل میں سوشل میڈیا پر بھی اس معاملے پر بڑے پیمانے پر لے دے ہو رہی ہے۔ عوامی حلقوں کی جانب سے مستعفی عہدیداروں کے ساتھ مکمل یکجہتی کا اظہار کیا جا رہا ہے جب کہ وزیرتعلیم کی پالیسی اور اقربا پروری پربھی کڑی تنقید جاری ہے۔