(روزنامہ قدس ۔آنلائن خبر رساں ادارہ )اقوام متحدہ نے فلسطینی علاقوں میں اسرائیل کی جانب سے غیر قانونی آباد کاری پر تشویش ظاہر کرتے ہوئے کہا ہے کہ اگر صہیونی ریاست کا احتساب نہ ہوا تو اس کی مزید حوصلہ افزائی ہوگی۔
اقوام متحد ہ کے انسانی حقوق کے مندوب برائے فلسطین مائیکل لنک نے ایک بیان میں کہا کہ فلسطینی علاقوں میں صہیونی ریاست کی توسیع پسندی کی روک تھام کے لیے اسرائیل سے پوچھ گچھ ضروری ہے اور اگر ایسا نہ کیا گیا تو اسرائیل کی غاصبانہ سوچ میں مزید اضافہ ہوگا۔
انہوں نے فلسطینی میں کی جانے والی نسل کشی اور دیگر انسانی حقوق کی بد تر صورتحال پر عالمی قوتوں کی خاموشی کو باعث تشویش اور افسوسناک قرار دیا ۔
ایک سوال کے جواب میں انہوں نے کہا کہ اسرائیل جو کچھ کر رہا ہے وہ بین الاقوامی قوانین اور عالمی معاہدوں کی کھلی خلاف ورزی ہے۔ اقوام متحدہ کے رکن ملک کو انسانی حقوق کی سنگین پامالیاں اور مقبوضہ علاقوں کو غصب کرنا زیب نہیں دیتا۔
انہوں نے عالمی برادری کے اسرائیل جرائم کی پردہ پوشی کرنے کی وجہ سے اسرائیل کے جرائم میں دن بدن اضافہ ہو تا جا رہا ہے جس کے مجرم اسرائیل کے ساتھ ساتھ اسکے خاموش حمایتی بھی ہیں۔