قابض اسرائیلی حکومت نے لبنان کی سرحد سے متصل علاقوں میں فوج کوہائی الرٹ کردیا ہے اور لبنان کی سرحد سےمتصل سڑکوں کو ہرقسم کی ٹریفک کے لیے بند کردیا گیا ہے۔
اسرائیل کے عبرانی اخبارات کے ذرائع کے مطابق صہیونی حکومت کی جانب سےیہ اقدام نامعلوم افراد کا لبنان کی سرحد پرلگائی حفاظتی باڑعبورکرکے اسرائیل کی طرف آنے کی کوشش کے بعد کیا گیا ہے۔
ذرائع کے مطابق اسرائیلی فوج نے سرحد کے قریب واقع یہودی کالونیوں کے باشندوں کو بلا ضرورت گھروں سے نہ نکلنے کی ہدایت کی ہے۔ اسکے علاوہ بڑی تعداد میں فوج کو سرحد پرتعینات کیا ہے جو مسلسل گشت جاری رکھے ہوئے ہے۔
خیال رہے کہ اسرائیل نے گذشتہ ہفتے اسرائیلی فوج نے ایک فضائی حملے میں حزب اللہ کے تین فیلڈ کمانڈرز سمیت کم سے کم چھ ارکان کو شام میں شہید کردیا تھا جس کے بعد حزب اللہ نے اپنے کارکنوں کی شہادت کا بدلہ لینے کا اعلان کیا ہے۔ اس واقعے کے بعد لبنان کی سرحد پر دو بار فوج کو ہارئی الرٹ کیا گیا ہے۔
بشکریہ:مرکزاطلاعات فلسطین