(روزنامہ قدس ۔آن لائن خبر رساں ادارہ) متحدہ عرب امارات اور اسرائیل کے مابین ‘امن معاہدے’ کے بعد کسی اسرائیلی عہدیدار کا ابوظہبی کے لیے یہ پہلا اعلیٰ سطح کا دورہ ہے۔
اماراتی خبر ایجنسی وام کے مطابق صیہونی ریاست اسرائیل کی خفیہ ایجنسی "موساد "کے سربراہ یوسی کوہن نے متحدہ عرب امارات کے قومی سلامتی کے مشیر شیخ طحنون بن زید النہیان کے ساتھ ملاقات میں دوطرفہ سلامتی کے حوالے سے بات چیت اور آئندہ کے لائحہ عمل پر تفصیلی تبادلہ خیال کیا۔
متحدہ عرب امارات اور اسرائیل کے مابین ‘امن معاہدے’ کے بعد کسی اسرائیلی عہدیدار کا ابوظہبی کے لیے یہ پہلا اعلیٰ سطح کا دورہ ہے۔
واضح رہے کہ متحدہ عرب امارات اور اسرائیل کے درمیان سفارتی تعلقات کی بحالی کے نتیجے میں اسرائیل مغربی کنارے کے حصوں کے الحاق کو مؤخر کرنے پر راضی ہوا ہے تاہم، اسرائیلی وزیراعظم بن یامین نیتن یاہو یہ بھی واضح کرچکے ہیں کہ یہ منصوبہ اب بھی موجود ہے، عرب امارات مصر اور اردن کے بعد وہ تیسرا ملک ہے جس نے اسرائیل کے ساتھ امن معاہدہ طےکیا ہے۔