اسرائیلی ائیر لائن اور سٹاک ایکسچینج کی ویب سائٹس ہیک: سعودی ہیکرز کا ایک اور معرکہ

اسرائیلی ریڈیو کا کہنا ہے کہ سعودیہ عرب کے ایک ہیکر نے سائبر اٹیک کر کے اسرائیلی کی معروف ائر لائن کمپنی ’’العال‘‘ (EL Al)اور تل ابیب اسٹاک ایکسچینج کی ویب سائٹس کو جام کر دیا ہے۔

قبل ازیں سعودی عرب کے ہیکرز کی جانب سے ان دونوں ویب سائٹس کو ہیک کرنے کی دھمکی دی گئی تھی۔
کثیر الاشاعت اسرائیلی روزنامے ’’یدیعوت احرونوت‘‘ کےمطابق سعودی عرب کے ایک ہیکرز گروپ ’’xOmar‘‘ جو اس سے قبل اسرائیلی کریڈٹ کارڈز کے تفصیلات بھی شائع کر چکی ہیں کے حوالے سے بتایا کہ کابوس کے نام سےمعروف فلسطینی کی مدد کرنے والے ایک گروہ نے اعلان کیا تھا کہ وہ اسرائیلی ائیرلائن العال اور اسٹاک ایکسچینج کی کمپنیوں پر سائبر اٹیک کرے گا۔
خیال رہے کہ اسلامی تحریک مزاحمت ۔ حماس کے ترجمان سامی ابوزھری نے دنیا بھر میں فلسطینی قوم کی مدد کرنے والے ہیکرز سے اسرائیل پر سائبر اٹیک کرنے کی اپیل بھی کی تھی۔