مرکز اطلاعات فلسطین کے مطابق اردنی وزیر برائے نقل حمل لینا شبیب نے پارلیمنٹ کے اجلاس کے دوران ایک سوال کے جواب میں کہا کہ انہوں نے وادی عقبہ کی دوسری جانب اسرائیل کے بین الاقوامی ہوائی اڈے کے قیام کا معاملہ بین الاقوامی فضائی ایوی ایشن تنظیم میں اٹھایا ہے۔ ہمیں اسرائیل کے ہوائی اڈے پر اعتراض ہے اور اس سلسلے میں ہم عالمی تنظیم سے اس کا کوئی فیصلہ کرانا چاہتے ہیں۔
انہوں نے کہا کہ اگر اسرائیل نے ہمارے مطالبے پر وادی عقبہ کے قریب ہوائی اڈے کے قیام کا منصوبہ ترک نہ کیا تو ہم عدالت انصاف سے رجوع کریں گے۔
انہوں نے کہا کہ وادی عقبہ کے قریب اسرائیل کے ہوائی اڈے کے قیام کا منصوبہ اردن کی سزرمین اور فضاء میں نقب لگانے کی کوشش ہے۔ ایک دوسرے رکن پارلیمنٹ رولی الحروب نے بھی اسرائیل کے ہوائی اڈے کا معاملہ اٹھایا اور کہا کہ اسرائیل اردن کی خود مختاری کو چیلنج کررہا ہے۔
انہوں نے بتایا کہ اسرائیلی ہوائی اڈے ’تنماع‘ کا رن وے اردن کے شاہ حسین ہوائی اڈے سے محض 350 میٹر کے فاصلے پر ہے۔ اس کے نتیجے میں اردن کی فضائی سرگرمیوں پر منفی اثرات مرتب ہوں گے۔
بشکریہ:مرکزاطلاعات فلسطین