آئرلینڈ :غاصب اسرائیل اور ہتھیار فراہم کرنے والے ممالک کو اقوام متحدہ سے نکالا جائے

(روزنامہ قدس ـ آنلائن خبر رساں ادارہ) آئرلینڈ کے صدر مائیکل ڈی ہیگنز نے کہا ہے کہ قابض اسرائیل اور وہ ممالک جو اسے ہتھیار فراہم کرتے ہیں انہیں اقوام متحدہ سے خارج کردینا چاہیے۔

انہوں نے زور دیا کہ اب ہمیں ان ممالک کے خلاف تجارتی پابندیاں عائد کرنے میں ہچکچاہٹ نہیں ہونی چاہیے جو انسانیت کے خلاف جرائم میں ملوث ہیں۔آئرش صدر نے اس بات پر بھی روشنی ڈالی کہ یورپی یونین کے بعض طاقتور ممالک غزہ میں غذائی بحران، نسل کشی اور دیگر جنگی جرائم پر خاموش ہیں۔

اس سے قبل آئرلینڈ کے وزیر اعظم مائیکل مارٹن نے بھی کہا کہ بین الاقوامی دباؤ بڑھا کر ظالم ناجائز ریاست اسرائیل کو غزہ میں حملے روکنے پر مجبور کرنا ضروری ہے کیونکہ اقوام متحدہ کی رپورٹ کے مطابق وہاں نسل کشی جاری ہے اور قابض اسرائیل کو جواب دہ ہونا چاہیے۔

اقوام متحدہ کے ذیلی تحقیقی کمیٹی نے باضابطہ طور پر اس بات کی تصدیق کی ہے کہ جابر صہیونی حکومت گذشتہ دو سال سے فلسطینیوں کو بھوک اور دیگر مظالم کے ذریعے ختم کرنے کی کوشش کررہا ہے اور اس حوالے سے ساٹھ ہزار شواہد جمع کیے جاچکے ہیں۔