پولیس کے مطابق نامعلوم بندوق بردار نے سفارتخانے کی عمارت کے سامنے سے گذرتے ہوئے کلاشنکوف رائفل سے اس پر 54 گولیاں فائر کیں۔ اسرائیلی سفارتخانہ یونان کے صدر مقام کے شمال میں واقع مضافاتی علاقے کی ایک مصروف شاہراہ پر واقع ہے۔ ایک دوسری موٹر سائیکل پر سوار دو افراد پر بھی حملے میں شرکت کا شبہ ہے۔
حکومتی ترجمان صوفیا والٹیپسی نے اسرائیلی سفارتخانے پر فائرنگ کے واقعے پر تبصرہ کرتے ہوئے کہا کہ "ہر دہشت گرد کارروائی ملک اور جمہوریت پر حملہ ہے۔” ان کا کہنا تھا کہ یونان دہشت گرد تنظیموں کے خلاف ‘فیصلہ کن اقدامات’ اٹھا رہا ہے۔
یویان میں سرگرم ‘پیپلز فائٹر گروپ’ اس حملے کا ذمہ دار ہے۔ اس تنظیم پر دوسرے سفارتخانوں اور قدامت پسند حکمران جماعت ‘نیو ڈیموکریسی پارٹی’ کے دفاتر پر ایسے ہی حملوں کا الزام ہے۔
یونان میں مغربی کنارے اور غزہ سے متعلق اسرائیل کی پالیسی پر شدید تنقید کی جاتی ہے۔ یہاں فلسطینیوں کی حمایت میں مظاہرے بکثرت ہوتے رہتے ہیں۔