(فلسطین نیوز۔مرکز اطلاعات) اسرائیلی وزیراعظم بنجمن نیتن یاھو نے یورپی ہائی کمیشن برائے انسانی حقوق پرسخت برہمی کا اظہار کرتے ہوئے اس پر اسرائیل کے حوالے سے دوہرے معیار کا الزام عائد کیا ہے۔ نیتن یاھو کا کہنا ہے کہ اسرائیل اور یورپی ملکوں کے درمیان اچھے تعلقات قائم ہیں مگر ہائی کمیشن کی جانب سے اختیار کردہ پالیسی دوہرے معیار کی عکاسی کرتی ہے۔
رپورٹ کے مطابق اسرائیلی وزیراعظم نیتن یاھو نے ان خیالات کا اظہار استونیا کی خاتون وزیرخارجہ مارینا کالیورانڈ سے ملاقات کے دوران کیا۔ انہوں نے کہا کہ اسرائیل اور یورپی ملکوں کے درمیان اچھے تعلقات قائم ہیں۔ نیتن یاھو نے یورپی ممالک پر زور دیا کہ وہ یورپی ہائی کمیشن کی پالیسی کو تبدیل کرانے کے لیے اس پر دباؤ ڈالے تاکہ وہ اسرائیل کے حوالے سے پالیسی تبدیل کرے۔نیتن یاھو نے استونیا کی وزیرخارجہ کو فلسطینیوں کی اسرائیل کے خلاف کارروائیوں کی ایک فوٹیج بھی دکھائی اور کہا کہ فلسطینی اسرائیل پرحملوں پر اکسا رہے ہیں۔