پرتگال کی طرف سے فلسطین کو آزاد ریاست تسلیم کرنے کا اعلان

(روزنامہ قدس ـ آنلائن خبر رساں ادارہ) نیویارک میں صحافیوں سے بات کرتے ہوئے پرتگالی وزیر خارجہ نے فلسطین کو ریاست تسلیم کرنے کے فیصلے کو پرتگال کی خارجہ پالیسی کی ایک بنیادی اور مستقل سوچ قرار دیا۔

پرتگال کے وزیر خارجہ پاولو رینجل نے کہا کہ دو ریاستی حل ہی خطے میں پائیدار اور مستقل امن کا واحد راستہ ہے۔انہوں نے اعتراف کیا کہ فلسطینی ریاست کو تسلیم کرنا غزہ میں جاری انسانی بحران کو ختم نہیں کرتا انہوں نے زور دیا کہ غزہ میں فوری جنگ بندی ناگزیر ہے۔