خیال رہے کہ ڈسمنڈ ٹوٹو آنجہانی نیلسن منڈیلا کے جانشین سمجھے جاتے ہیں۔ انہوں نے نیلسن منڈیلا کے ساتھ مل کر جنوبی افریقا سے نسل پرستی کے خاتمے کے لیے جدو جہد کی۔ اسی جدو جہد کے اعتراف میں انہیں امن کا نوبل انعام بھی دیا گیا۔
مرکز اطلاعات فلسطین کے مطابق جنوبی افریقا کے خطے کے عیسائی پادری ڈسممنڈ ٹوٹو نے ایک انٹرویو میں کہا کہ میں غزہ کی پٹی میں اسرائیلی فوج کے حملے کی شدید مذمت کرتا ہوں۔ میں غزہ کی پٹی کے 18 لاکھ عوام کے ساتھ ہوں۔ انہوں نے اسرائیلی مصنوعات کے بائیکاٹ کا مطالبہ کیا ہے۔ میں بھی ان کے اس مطالبے میں ساتھ ہوں۔ اسرائیل کا نہ صرف ہرسطح پر بائیکاٹ کیا جانا چاہیے بلکہ صہیونی ریاست میں سرمایہ کاری بھی روک دینی چاہیے۔ انہوں نے یہودی آباد کاروں کو بھی پیغام بھیجا کہ وہ اپنی حکومت کو غزہ کی پٹی پر حملے کے سنگین نتائج کے بارے میں آگاہ کریں۔