جنیوا (روز نامہ قدس ۔آن لائن خبر رساں ادارہ) انسانی حقوق کی ہائی کمشنر میشل بیشلٹ نے اسرائیل میں انسانی حقوق کی ہونے والی خلاف ورزیوں پر گہری تشویش کا اظہار کرتے ہوئے ان خلاف ورزیوں کو بند کئے جانے کا مطالبہ کیا۔
روز نامہ قدس کو موصول ہونے والی اطلاعات کے مطابق انھوں نے جنیوا میں اقوام متحدہ کی انسانی حقوق کونسل کے چالیسیویں اجلاس میں اپنی سالانہ رپورٹ پیش کرتے ہوئے غزہ میں مظاہرین پراسرائیل کے تشدد کے بارے میں اقوام متحدہ کی رپورٹ پر تل ابیب کے ردعمل کو مسترد کرتے ہوئے کہا کہ غزہ کا محاصرہ اس علاقے کی صورت حال ابتر ہونے کا باعث بنا ہے اور اس علاقے میں بے روزگاری میں بھی پچاس فیصد سے زائد کا اضافہ ہوا ہے۔
میشل بیشلٹ نے کہا کہ اسرائیل کی جانب سے غزہ کا محاصرہ اس علاقے کی اقتصادی ترقی رکنے کا باعث بنا ہے جبکہ غزہ کے ستّر فیصد لوگوں کو انسان دوستانہ امداد کی ضرورت ہے۔