رپورٹ میں بتایا ہے کہ پولیس چیف کی سیکیورٹی میں اضافہ انٹیلی جنس اداروں کی جمع کردہ معلومات کی بنیاد پر کیا گیا ہے۔ سیکیورٹی اداروں کو یہ اطلاعات ملی ہیں کہ اسرائیلی پولیس چیف کی زندگی خطرے میں ہے اور انہیں کسی بھی وقت قاتلانہ حملے کا نشانہ بنایا جاسکتا ہے۔
رپورٹ میں بتایا گیا ہے کہ تل ابیب میں واقع پولیس چیف کی رہائش گاہ پر بھی سیکیورٹی بڑھا دی گئی ہے اور گھر کے باہر سی سی ٹی وی کیمرے لگا دیے گئے ہیں۔ ان کے گھر کےقریب سے گذرنے والی ہر گاڑی کی تلاشی لی جاتی ہے۔
ذرائع کا کہنا ہے کہ اسرائیلی پولیس چیف اور دیگر اہم سیکیورٹی عہدیداروں کو نہ صرف فلسطینی مزاحمت کاروں کی جانب سے خطرات لاحق ہیں بلکہ انہیں جرائم پیشہ یہودی گروپوں سےوابستہ عناصر سے بھی خطرہ ہے کیونکہ پولیس چیف پچھلے دو سال سے ایسے ہی جرائم پیشہ عناصر کے خلاف کیسز کی تحقیقات کر رہے ہیں۔ جن عناصر کے خلاف تحقیقات ہو رہی ہیں وہ پولیس عہدیداروں بالخصوص پولیس چیف کے لیے خطرہ بن سکتےہیں۔