(روزنامہ قدس ـ آنلائن خبر رساں ادارہ) صدر کولمبیا گوسٹاؤ پیٹرو نے امریکی صدر ڈونلڈ ٹرمپ کے حالیہ بیان پر سخت ردعمل دیتے ہوئے کہا ہے کہ ناجائز ریاست اسرائیل کو اسلحہ کی فراہمی غزہ میں جاری مظالم میں براہ راست شراکت داری کے مترادف ہے۔
انہوں نے کہا کہ جب جنگی مجرم نیتن یاہو نسل کشی میں ملوث ہے ایسے میں اسلحہ کی ترسیل قابلِ مذمت ہے۔ انہوں نے سوال اٹھایا کہ غزہ میں اسلحہ کا اچھا استعمال آخر کس چیز کو کہتے ہیں؟
صدر کولمبیا کے مطابق امریکی اسلحے کے استعمال سے اب تک ستر ہزار فلسطینی شہید اور دو لاکھ سے زائد زخمی ہو چکے ہیں۔ یہ اعداد و شمار انسانیت کے ضمیر کو جھنجھوڑنے کے لیے کافی ہیں۔
واضح رہے کہ صدر ٹرمپ نے گزشتہ روز قاتل صہیونی پارلیمنٹ میں خطاب کرتے ہوئے دعوی کیا تھا کہ غاصب اسرائیل نے امریکی اسلحہ کا بہترین استعمال کیا ہے جس پر انہوں نے سفاک جنگی جرائم کے مرتکب نیتن یاہو اور قابض حکومت کا شکریہ بھی ادا کیا۔
