(فلسطین نیوز۔مرکز اطلاعات) مقبوضہ فلسطین کے سنہ 1948 ء کے علاقوں میں اسرائیلی فوج نے نئی جنگی مشقیں شروع کی ہیں۔ان جنگی مشقوں میں بحریہ کےعلاوہ بری فوج کے دستے بھی حصہ لے رہے ہیں۔
رپورٹ کے مطابق فوج کی جنگی مشقیں حیفا، نیر، کریات یام، کیبوٹز یمھد اور منشہ کے مقامات پر جاری ہیں جن میں اسرائیل کو جنگ کی صورت میں داخلی سلامتی کو درپیش چیلنجز سے نمٹنے کی تربیت دی جا رہی ہے۔رپورٹ میں بتایا گیا ہے کہ فوج کی جنگی مشقوں سے قبل بڑی تعداد میں فوجی دستے، بکتر بند گاڑیاں اور ٹینک ساحلی شہر حیفا اور دوسرے مقامات پر پہنچا دی گئی تھیں۔