رپورٹ کے مطابق ترکی میں سماجی کارکنوں کے نمائندہ ادارے’’ ایوب فورمز‘‘ کی جانب سے جاری کردہ ایک بیان میں کہا گیا مسجد اقصیٰ اور بیت المقدس کو درپیش خطرات کے تدارک کے لیے مسلم امہ کے مذہبی اداروں کو اپنا کردار ادا کرنا چاہیے۔ بیان میں مطالبہ کیا گیا کہ قبلہ اوّل کے دفاع کے ایجنڈے کو ترکی سمیت تمام عالم اسلام کے ایجنڈے میں شامل کیا جائے۔
استبول میں منعقدہ ایک تقریب کے دوران وہ بیان صحافی اور قلم کار عبداللہ یلدیز نے پڑھ کر سنایا۔ بیان میں کہا گیا کہ مسجد اقصیٰ کی مسلسل بے حرمتی اور بیت المقدس کو یہودیانے کی مسلسل صہیونی سازشیں بیت المقدس پرصہیونی قبضہ مستقل کرنے کی سازشوں کا حصہ ہیں۔
بیان میں کہا گیا کہ بیت المقدس صرف فلسطینیوں کا القدس کے باشندوں کا نہیں بلکہ یہ تمام مسلمانوں کا مشترکہ شہر ہے اور اس کے دفاع اور آزادی کے لیے کوششیں بھی پورے عالم اسلام اجتماعی ذمہ داری ہے۔