فلسطین کے مقبوضہ بیت المقدس شہر میں اتوار کے روز ایک فلسطینی شہری کے چاقو سے حملے میں کم سے کم ایک یہودی آباد کار زخمی ہوا ہے۔ دوسری جانب یہودی فوجیوں نے ایک فلسطینی لڑکی پر چاقو سے یہودی آباد کار پرحملے کے شبے میں فائرنگ کی ہے جس کے نتیجے میں وہ زخمی بتائی جاتی ہے۔
اسرائیل کے عبرانی ذرائع ابلاغ نے بتایا کہ 22 سالہ فلسطینی لڑکی حلوہ سلیم علیان جس کا تعلق غرب اردن کے علاقے بیت لحم سے بتایا جاتا ہے۔ اس نے بیت المقدس میں "بیتا عیلیت” کے مقام پر ایک یہودی آباد کار کو چاقو سے حملے کا نشانہ بنایا جس کے نتیجے میں وہ زخمی ہوا ہے۔ زخمی ہونے والی فلسطینی لڑکی کو اسپتال منتقل کیا گیا ہے جہاں اس کی حالت تشویشناک بیان کی جاتی ہے۔ تاہم مقامی فلسطینی ذرائع نے لڑکی کے یہودی آباد کار پرحملے کے اسرائیلی بیان کی تردید کی ہے۔