بائیکاٹ مہم موثر ثابت، غرب اردن میں اسرائیلی برآمدات ختم ہونے لگیں

فلسطین میں اسرائیلی جارحیت کےخلاف بہ طور احتجاج بازاروں میں اسرائیلی مصنوعات کے بائیکاٹ کی مہمات کامیاب اور نتیجہ خیز ثابت ہو رہی ہیں۔ گذشتہ ایک ماہ سے جاری ان مہمات کے نتیجے میں اب مغربی کنارے میں اسرائیلی مصنوعات نہ ہونے کے برابر رہ چکی ہیں۔

مرکز اطلاعات فلسطین کے مطابق مغربی کنارے میں تحفظ صارف آرگنائزیشین کے کے چیئرمین عزمی الشیوخی نےاپنے ایک پریس بیان میں بتایا کہ مقامی سطح پر اسرائیلی مصنوعات کے بائیکاٹ کے نتیجے میں اسرائیلی درآمدات ختم ہو کر رہ گئی ہیں۔

انہوں نے مزید کہا کہ اب مغربی کنارے سے لائی گئی اسرائیلی اسرائیلی درآمدات میں کم سے کم 75 فی صد کمی آ چکی ہے۔ یہ سب مقامی اور عالمیی سطح پر اسرائیلی مصنوعات کے بائیکاٹ کی مہم کے اثرات ہیں۔ عزمی الشیوخ نے بتایا کہ بائیکاٹ مہمات کے بعد مغربی کنارے میں اسرائیلی مصنوعات ختم ہو رہی ہے۔ بائیکاٹ سے قبل ہی جب اسرائیلی فوج نے غزہ کی پٹی پر وحشیانہ حملہ کیا تو اس وقت سے غرب اردن میں اسرائیلی برآمدات کم ہو گئی تھیں جو کہ اب کم ہو کر 25 فی صد رہ گئی ہیں۔

بشکریہ:مرکزاطلاعات فلسطین