(روزنامہ قدس ـ آنلائن خبر رساں ادارہ) ایرانی وزارت خارجہ کے ترجمان اسماعیل بقائی نے غزہ میں سفاکانہ اسرائیلی جرائم اور جنگ بندی کی مسلسل خلاف ورزیوں پر شدید تشویش کا اظہار کیا ہے۔
ترجمان نے گزشتہ چوبیس گھنٹوں کے دوران قاتلانہ صہیونی حملوں کی مذمت کی جن میں کم از کم دس فلسطینی شہید اور زخمی ہوئے۔انہوں نے مغربی کنارے میں زیتون کے باغات کی تباہی، رہائشی مکانات کو آگ لگانے اور مسجد اقصی کی بے حرمتی جیسے واقعات کی بھی شدید مذمت کی۔
اسماعیل بقائی نے جنگ بندی کی ضمانت دینے والے ممالک سے مطالبہ کیا کہ وہ قابض قاتل حکومت کو جوابدہ ٹھہرائیں اور اسے فلسطینیوں کے خلاف جرائم سے باز رکھیں۔انہوں نے خبردار کیا کہ صہیونی ظالم حکومت جنگ بندی کے اعلانات کو دھوکہ دہی کے طور پر استعمال کرتی ہے تاکہ اپنے جرائم کو جاری رکھ سکے۔
ترجمان نے یہ بھی کہا کہ اگر جنگ بندی کے ضامن ممالک ان خلاف ورزیوں پر خاموش رہے تو اس کے سنگین نتائج برآمد ہوں گے۔
