فلسطین کے مقبوضہ مغربی کنارے میں اسرائیلی فوجیوں نے ایک 75 سالہ فلسطینی خاتون کو دہشت گرد قرار دے کر اسے گولی مار دی جس کے نتیجے میں وہ شدید زخمی ہوئی۔ بعد ازاں اسپتال میں دم توڑ گئی۔ اطلاعات کے مطابق اسرائیلی فوجیوں نے بوڑھی اماں پر یہودی فوجی کو گاڑی تلے کلچنے اور چاقو سے فوجی پر حملہ کرنے کا الزام عاید کیا گیا ہے۔
رپورٹ کے مطابق جمعہ کی شام مغربی کنارے کے جنوبی شہر الخلیل میں حلحول قصبے میں اسرائیلی فوجیوں نے 75 سالہ فلسطینی خاتون ثروت ابراہیم الشعراوی المعروف ام ایوب کو اس وقت گولیاں ماریں جب وہ ایک مقامی پٹرول پمپ کے قریب اپنی گاڑی میں بیٹھی تھی۔
عینی شاہدین کا کہنا ہے کہ شمالی الخلیل میں راس الجورہ کے مقام پر ایک ھونڈا کار پٹرول پمپ کی طرف بڑھی تو اسرائیلی فوجیوں نے اس پر فائرنگ کردی۔ اس وقت گاڑی کے قریب کوئی اسرائیلی فوجی نہیں تھا۔ اسرائیلی فوجیوں کی فائرنگ سے زخمی ہونے والی خاتون کو الخلیل کے ایک اسپتال مین داخل کیا گیا جہاں اس کی حالت تشویشناک بیان کی جاتی ہے۔
خیال رہے کہ شہید فلسطینی خاتون کے شوہر فواد ابو غریبہ اسرائیلی فوج کی دہشت گردی میں شہید ہوچکے ہیں۔