قابض صہیونی فوجیوں نے فلسطین کے مقبوضہ مغربی کنارے کے جنوبی شہر الخلیل میں صوریف قصبے میں گھروں میں تلاشی کی کارروائی کے دوران 65 ہزار شیکل کی رقم لوٹ لی۔ یہ رقم امریکی کرنسی میں 20 ہزار ڈالر سے زیادہ ہے۔
رپورٹ کے مطابق صہیونی لٹیروں کے ہاتھوں لٹنے والے فلسطینی احمد حمیدات القاضی نے بتایا کہ صہیونی فوجیوں نے گذشتہ روز اس کے گھر پرچھاپہ مارا اور گھرمیں موجود اس کی اہلیہ عبیر القاضی کو یرغمال بنانے کے بعد گھر میں موجود پینسٹھ ہزار شیکل کی رقم لوٹ لی۔حمیدات نے بتایا کہ تلاشی کی کارروائی کے دوران صہیونی فوجیوں نے گھر کے قیمتی سامان کی توڑپھوڑ بھی کی۔ گھر کے دروازے اور کھڑکیاں توڑ دیں اور اس کی اہلیہ کو بھی حراست میں لے لیا گیا ہے۔
اسرائیلی میڈیا کے مطابق فوج نے صوریف کےمقام پر تلاشی کے دوران ایک خاتون اور دو فلسطینی لڑکوں کو حراست میں لیا ہےاوران کے قبضے سے بھاری مقدار میں اسرائیلی کرنسی برآمد کی گئی ہے۔
ادھر الخلیل میں دورا کے مقام پر اسرائیلی فوجیوں نے تلاشی کے دوران مہند المسالمہہ اور نہاد الجمل نامی شہریوں کو حراست میں لے لیا۔