اسلامی تحریک مزاحمت [حماس] کے یروشلم افئیرز کے ڈائریکٹر احمد حلبیہ نے جنونی یہودی آبادکاروں کے القدس میں مارچ کو منعقد کرنے کے ارادے کے نتائج سے خبردار کیا۔ اطلاعات کے مطابق یہودی آبادکار اپنی حکومت سے مسجد اقصیٰ کا کنٹرول حاصل کرنے کا مطالبہ کرنے کے لئے مارچ کا اہتمام کر رہے ہیں۔
ابو حلبیہ نے مرکز اطلاعات فلسطین کو بتایا کہ اس مارچ سے قابض حکام کی یروشلم اور مسجد اقصیٰ کو صیہونیت میں رنگنے کی کوششوں کا اندازہ ہوتا ہے۔
یہودی آباد کار اس مارچ کا اہتمام جبل ہیکل کا مسلمانوں سے واگزار کرانے اور اسرائیلی حکومت سے مسجد اقصیٰ پر مکمل کنٹرول حاصل کرنے کا مطالبہ کرنے کے لئے کر رہے ہیں۔
فلسطینی وزیر مذہبی امور اسماعیل رضوان کا اس کے متعلق کہنا ہے کہ اسرائیلی حکومت اس مارچ کے نتیجے میں پیدا ہونے والے نتائج کی مکمل طور پر ذمہ دار ہو گی۔
رضوان نے مغربی کنارے یروشلم اور 48 کی مقبوضہ زمینوں کی فلسطینی عوام سے مطالبہ کیا ہے کہ وہ مسجد اقصیٰ میں اپنی موجودگی کو بڑھا دیں اور یہودی آبادکاروں کے کسی بھی حملے کے خلاف اس کا تحفظ کریں۔
بشکریہ:مرکز اطلاعات فلسطین